Наука за деца

Научна култура и ментална фискултура за најмладите

Што ќе се случи кога група научници, наставници и медиумски експерти ќе одлучат да соработуваат?

Ова е прашањето што си го поставивме кога коронавирусот нè затвори дома и нè натера сериозно да размислуваме за дигитализација на образованието.

Родителите меѓу нас сфатија дека нашите деца имаат ограничено количество внимание во ситуација кога не се заедно со своите учители и соученици.

Наставниците меѓу нас беа свесни дека системот не е создаден да поддржува образование на далечина и дека наставните содржини треба да се прилагодат на новото време.

Научниците меѓу нас видоа шанса да промовираат научна писменост меѓу најмладите, користејќи ги ресурсите кои ни се пред очи.

„Наука за деца” е под покровителство на граѓанската иницијатива Кантарот, со желба да се промовира научна култура и ментална фискултура кај најмладите.

Ајде сите на вежбање!