Пролет е време за прошетки во природа и екскурзии. Искористете го убавото време за да уживате во природата, да придонесете во развојот на науката и да освоите награди!
Како партнер на кампањата Барање пролетни јаглики, Наука за деца им помага на Естонските научници да соберат што е можно повеќе податоци за хетеростилноста на јагликите низ цел Европски континент. А на најуспешните бројачи на јаглики ќе им доделиме награди.
Организирајте тим на бројачи на јаглики за да се натпреварувате за научна работилница за цело одделение. Доделуваме три награди:
1. Најмногу набљудувани популации
2. Најголем број на набљудувани растенија
3. Најраздалечени набљудувани локации
Како да учествувате во натпреварот?
- Излезете надвор и најдете јаглики.
- Извршете набљудување на јагликите според упатствата достапни на cowslip.sciencе/mk.
- Внесете ги податоците од набљудувањето во апликацијата. Користете една електронска адреса за цело одделение. Внимавајте набљудувањето да ги содржи сите неопходни податоци и фотографии за да биде валидно!
- Натпреварот завршува на 21ви мај на пладне.
- Нашиот научен тим ќе ги провери набљудувањата и ќе прогласи три одделенија-победници кои ќе бидат контактирани преку електронска пошта.
Како да се внесе валидно набљудување?
За да биде корисно за истражувањето, секое набљудување треба да содржи:
- Точни GPS координати на популација
- Координатите треба да се барем 100 m подалеку од сите претходно внесени набљудувања
- Податоци од барем 10 набљудувани јаглики
- Барем една фотографија на јагликите од блиску и една фотографија од вас со јагликите
- Kоментар на набљудувањето со име и презиме, одделение, училиште и град
- Иста електронска адреса за испраќање на набљудувања од сите учесници од едно одделение
Видео објаснување:
Но како се набљудуваат јаглики?
Маријан Калдра, научник на Универзитетот Тарту во Естонија, ќе ви објасни како да ги препознаете двете форми на јаглики и како изгледа едно набљудување, а овде може да превземете документ со детално објаснување.
Оваа пролет со нашите партнери организираме настан Пролет на јагликите. Посетете ги работилниците на тема јаглики и зачувување на природата кои ќе ги организиранизираме, и следете нè на социјални медиуми за да дознаете за останатите активности кои ви ги подготвуваме: